HDZ propozoi një person që është në listën e zezë të Departamentit të Shtetit si kandidat për udhëheqjen e Dhomës së Përfaqësuesve të Asamblesë Parlamentare të BiH.
Gazetari dhe korrespondenti i Al Jazeera nga Uashingtoni, Ivica Puljiq ka ndarë përmes rrjeteve sociale njohuritë e tij për qëndrimin e qeverisë amerikane në lidhje me emërimin e Marinko Čavara në postin e nënkryetarit të Dhomës së Përfaqësuesve të Asamblesë Parlamentare të Bosnjë-Hercegovinës.
Kujtojmë se në seancën e fundit të kësaj Dhomë ku u zgjodh kryesia e saj, HDZ-ja propozoi për kandidat për anëtarë të kryesisë Marinko Çavara, person i cili është në listën e zezë të Departamentit të Shtetit. Čavara më vonë u zgjodh në pozicionin e propozuar.
Arsyet kryesore për përfshirjen në këtë listë janë bllokimet në themelimin e institucioneve federale, në radhë të parë të Gjykatës Kushtetuese të Bosnjës dhe Hercegovinës, duke mos propozuar emërimin e gjyqtarëve të munguar.
“Dje isha në Departamentin e Shtetit dhe mësova se amerikanët janë të zemëruar me Dragan Çoviqin për emërimin e Marinko Čavara në një post të ri. Më herët ata ishin të zhgënjyer me qasjen e Çoviçit ndaj Dodikut, kryesisht për shkak të Rusisë”, shkroi Puljiç në Twitter.
Marinko Čavara (HDZ) u emërua nënkryetar i Dhomës së Përfaqësuesve të Parlamentit të Bosnje-Hercegovinës dhe Milorad Dodik (SNSD) si president i entitetit të Republika Srpska, megjithëse të dy janë në listën e zezë të Shteteve të Bashkuara të Amerikës.
Ambasada Amerikane në Sarajevë pak ditë më parë ka shprehur qëndrimin e saj për përzgjedhjen e personave nga lista e zezë.
“Ne jemi të zhgënjyer me emërimin dhe zgjedhjen e individëve të sanksionuar në poste drejtuese,” i tha N1 Ambasada Amerikane në Bosnje dhe Hercegovinë .
Jucer sam bio u State Departmentu i saznao da su Amerikanci bijesni na Dragana Covica sto je postavio Marinka Cavaru na novu poziciju. Od ranije su razocarani s Covicevim priblizavanjem Dodiku, ponajvise zbog Rusije.
— Ivo Puljic (@ipuljic57) December 8, 2022
