Në mbledhjen e Komisionit Qendror të Zgjedhjeve u tha se ky organ vazhdon me përgatitjet për mbajtjen e zgjedhjeve në veri të Kosovës.
Sipas tyre, nuk është në kompetencën e KQZ-së që të rekomandojë shtyrjen e zgjedhjeve.
Ndërsa sa i përket raportit të dërguar tek presidentja Vjosa Osmani, KQZ tha se vetëm e ka informuar atë për mbarëvajtjen e procesit zgjedhor, por nuk ka dhënë rekomandime.
Shefi i Sekretariatit të KQZ-së, Burim Ahmetaj, ka folur për përgaditjet që janë bërë për zgjedhjet në komunat e veriut. Ai bëri me dije se kanë marrë një reagim nga zyrtarët zgjedhjeve në veri se ata kanë thënë se nuk u ikin përgjegjësisë rreth zgjedhjeve. Ahmetaj, tha se janë në përgaditje të planit operacional dhe planit të veprimit.
Ilir Gashi anëtari i PDK-së, në KQZ tha se mbledhjet e KQZ-së, duhet të jenë transparente.
Ndërsa anëtari Sami Hamiti nga LDK, tha se mbledhja e mbrëmshme nuk ka qenë e fshehur, por ka qenë mbledhje e mbyllur për media.
Kurse anëtari i VV-së në KQZ, Alim Rama, tha se sulmet në veri kanë ndikuar që njerëzit të mos apolikojnë për pozita.
KQZ ka miratuar zgjatjen e afatit për këshillat në vendvotimeve në komunat e veri. KQZ po ashtu certifikoi edhe 14 kandidatë në garë për Kuvendin Komunal të Leposaviqit. KQZ njoftoi se nuk ka pasur kërkesë për tubime politike nga subjektet politike në veri dhe se zyrtarisht fushata ka filluar para tre ditësh.
Në këtë mbledhje, e cila u mbajt më 10 dhjetor, u vendos që të shtyhet afati për nominimin e anëtarëve të Këshillave të Vendvotimeve.
Me 11 vota për dhe asnjë kundër u vendos që ky afat të shtyhet deri më 13 dhjetor. Sipas tyre, kjo shtyrje nuk ndikon në procesin zgjedhor.
