Mercenari serb, i cili prej vitesh lufton në anën e Rusisë, Dejan Beriq , ka realizuar një video në të cilën ka treguar se si vullnetarët serbë po përgatiten të luftojnë kundër forcave ukrainase.
U deshën muaj të tërë për t’u përgatitur për ardhjen e vullnetarëve serbë në Ukrainë, të cilët dyshohet se marrin paga ditore për të luftuar në anën e Rusisë. Nga ana tjetër, nëse vendosin të kthehen në Serbi, do të përballen me disa vite burg. Për javë të tëra, Beriç regjistroi klipe në të cilat i informonte serbët se si mund të arrinin në fushën e betejës, dhe tani ai bëri një raport nga terrenet e stërvitjes ku ushtarët po përgatiteshin për luftë.
Siç pretendon ai vetë, video është bërë për tu treguar “idiotëve në Serbi” se si serbët po përgatiten për luftë në frontin ukrainas. Dy ushtarë kanë qëndruar para kamerës dhe shumica prej tyre nuk kanë dashur të flasin, që të mos kenë probleme kur të kthehen në Serbi.
Njëri nga me të “guximshit” tha se është marrëzi që ushtarët e arratisur prej andej thonë se janë mish topash, gjë që nuk ka lidhje me të vërtetën.
Pas kësaj, Beriç u ka treguar shikuesve të tij një video nga tenda ku po flenë ushtarët.
– Ja si duket një tendë e ushtrisë ruse, djem të vërtetë – thotë Berić në video.
Vullnetarët serbë folën për kushtet. Ushtari tha se “është më mirë se në Beograd, më mirë se në shtëpi, është më ngrohtë dhe ushqimi është më i mirë se në shtëpi”.
Kur Beriçin e pyetën se si është gjendja shëndetësore, njëri tha se “njëri shkoi në spital sepse ka problem me stomakun, kurse boshnjaku ka pneumoni”, duke theksuar se ka ardhur i “sëmur”.
Nuk dihet nëse boshnjaku është një pseudonim apo është një vullnetar nga Bosnja dhe Hercegovina.
Sipas legjislacionit aktual serb, qytetarët që marrin pjesë në luftëra dhe konflikte të armatosura në vende të tjera ose organizojnë dhe rekrutojnë shtetas serbë për t’u larguar, do të përballen me dënim me burg nga gjashtë muaj deri në 10 vjet. Për shkak të kësaj, shumica e vullnetarëve nuk kanë dashur të zbulojnë identitetin e tyre apo të qëndrojnë para kamerës.
Vullnetarët serbë janë mbledhur nga Dejan Berić, i njohur më mirë si Deki Snajper. Ai ka qenë në fushën e betejës në Ukrainë që nga viti 2013.
