Një aksident fatal ka ndodhur në Gjermani, ku dy mërgimtarë nga Kosova, janë goditur për vdekje nga treni.
E gjithë ngjarja sipas mediave gjermane ka ndodhur gjatë së premtes, në mbrëmje.
Pas aksidentit, linja hekurudhore midis Mainz-Kastel dhe stacionit Wiesbaden-Ost është mbyllur në të dy drejtimet për rreth tre orë.
Rasti ka ndodhur kur dy personat kanë qenë duke kaluar shinat, kur janë goditur nga treni. Sipas mediave gjermane as freni emergjent s’ka mundur që ta parandalojë aksidentin tragjik.
Ndërkohë, 75 udhëtarët që kanë qenë brenda në tren, nuk janë lënduar asnjë prej tyre.
