Kapiteni i Kroacisë, Luka Modriq, festoi ditëlindjen e tij të 37-të në shtator, por ende nuk është gati të mbyllë karrierën me kombëtaren kroate.
Modriq e udhëhoqi skuadrën e tij në vendin e tretë në Kupën e Botës, me Kroacinë që mundi Marokun 2-1 të shtunën në Katar.
Kjo fitore do të thotë se skuadra e Zlatko Daliqit, përfundoi në podium të Kupës së Botës, për herë të dytë rresht.
Modriq theksoi e për momentin nuk e di nëse do të luajë në Kampionati Evropian, që do të mbahet në Gjermani.
“Për të ardhmen time. Nuk e di nëse do të luaj në Euro 2024 në Gjermani. Do të shohim. Më duhet të eci hap pas hapi”, tha ai për beIN Sports.
“Po e shijoj kombëtaren. Jam i lumtur. Ende mendoj se mund të performoj në një nivel të lartë. Dua të vazhdoj të paktën deri në Ligën e Kombeve dhe më pas do të ketë kohë për të menduar për Euron. Tani është hapi hap pas hapi dhe vazhdojmë të paktën deri në Ligën e Kombeve dhe më pas do të shohim”.
Trajneri i Kroacisë Daliq pret gjithashtu që 37-vjeçari të vazhdojë karrierën e tij ndërkombëtare, duke treguar: “Ai është kapiteni ynë, ai është shefi ynë i madh. Ai luajti fantastik këtë turne në moshën 37-vjeçare, ai luajti si të ishte 20 vjeç. Disa njerëz mendojnë se ky është fundi, por unë mendoj se Luka Modriq qëndron me ne për një kohë të gjatë”.
Më pas Daliqit iu kërkua nëse Modric do të luante për Kroacinë në Euro 2024 dhe u përgjigj: “Shpresoj se [ai është atje]”.
Modriq mund të jetë duke shkuar drejt fundit të karrierës së tij fenomenale, por ka treguar edhe një herë cilësinë dhe rëndësinë e tij për Kroacinë.
