Shqipëria do të përfaqësohet në Festivalin Europian me Albina dhe familja Kelmendi me këngën “Duje”.
Ndërkohë juria vlerësoi me çmim të parë Elsa Lilën, e cila u rikthye pas 25 vitesh në Festivalin e Këngës së 61 në Radio Televizionin Shqiptar.
Në këtë edicion u vendos që kënga përfaqësuese e Shqipërisë në Eurovizion të zgjidhej nga vetë publiku, përmes votave me SMS.
Dhe publiku vendosi që në festivalin Europian të shkojë kënga “Duje” me tekst të Erjona Rushiti dhe Muzika: Enis Mullaj.
Ndërkohë “Evita” e Elsa Lilës është një këngë e shkruar dhe kompozuar nga vetë ajo, e cila i dedikohet të bijës.
“Ndjej shumë në këtë moment. E kam të vështirë të përmbledh. Një histori që më kthehet mbrapsht. E gjitha ndodhi falë jush dhe mbështetjes dhe frymëzimit që më keni dhënë. Falë dashamirësisë së jurisë dhe orkestrës dhe falë vajzës time që më dha kaq shumë frymëzim” tha ajo pasi mori çmimin.
Juria vleresoi ne Vend te II – Albina dhe familja Kelmendi me këngën “Duje”
Vendi i III – 2Farm me këngën “Atomike”
Çmimi i karrierës iu dha Rodena Dilos.
