Kryeministri i Kosovës, Albin Kurti, ka thënë se masat që ka ndërmarrë qeveria për kursimin e energjisë, janë duke u aplikuar si shembull në forumet rajonale dhe evropiane.
Kurti theksoi në një konferencë, se gjatë muajve të fundit është ulur konsumi i energjisë elektrike.
“Me subvencionimin shtesë vetëm për familjet që ulin konsumi kemi ndihmuar 61 mijë familje në muajin shtator dhe 202 mijë familje në tetor, është rritur numri i atyre që kursejnë”, ka theksuar Kurti.
“Në forumet rajonale evropiane masat tona si dhe struktura tarifore që nxit kursimin janë përdorur si shembull i mirë për të menaxhuar krizën”.
Ai shtoi se mbi 8 për qind është ulur konsumi i energjisë, në krahasim me nëntorin e vitit 2021.
“Mbi 8 për qind është ulur konsumi i energjisë elektrike. Në krahasim me nëntorin e vitit 2021”.
“Tanimë ky kursim na ka kursye dhjetëra miliona euro të qytetarëve të buxhetit të shtetit dhe ka kontribuar që të kemi furnizim të rregullt me energji elektrike pavarësisht krizës”.
“Muajt në vijim, janari dhe shkurti do të jenë periudha më kritike kur temperaturat bien e çmimet rriten. Ju lus që ta intensifikoni konsumin e energjisë në muajt në vijim”.
Kurti ka folur edhe për bizneset, që sipas tij, nuk janë duke e kursyer energjinë elektrike.
“Ndërsa komunat e bizneset tek të cilët nuk kemi parë fatkeqësisht nuk kemi parë një nivel të njëjtë kursimi, i lusim që të shohin përpjekje në këtë drejtim, në të kundërtën, subvencionimi nga buxheti i shtetit me para të taksapagueseve për bizneset e komunave nuk do të mund të bëhet në të ardhmen”.
