Presidenti rus Vladimir Putin u ka dërguar urimin e Vitit të Ri liderëve botërorë. Kjo bëhet e ditur nga faqja e internetit e Kremlinit, raporton Kosovatimes.
Në total, Putin uroi 22 liderë, duke përfshirë liderët e Abkhazisë dhe Osetisë së Jugut të njohur pjesërisht. Në Evropë urimet iu dërguan vetëm presidentit serb Aleksandar Vuçiq, kryeministrit hungarez Viktor Orban dhe Aleksandër Lukashenkos.
Marrësit e tjerë të Putinit përfshijnë presidentin kinez Xi Jinping, kryeministrin indian Narenda Modi, presidentin turk Rexhep Tajip Erdogan dhe presidentin sirian Bashar al-Assad. Putin nuk e uroi liderin e Koresë së Veriut , Kim Jong-un.
Gjithashtu në faqen e internetit të Kremlinit, veçmas theksohet se Putin ka uruar disa ish-liderë të shteteve të huaja – Silvio Berlusconi, Robert Kocharyan, Nursultan Nazarbayev, Serzh Sargsyan, Gerhard Schroeder.
Zëdhënësi presidencial Dmitry Peskov tha se Putin nuk do t’i përgëzonte liderët e “vendeve jomiqësore” pasi nuk kishte “praktikisht asnjë kontakt” me ta./Kosovatimes./
