Suedia për marrjen e Presidencës së BE-së dhe Maqëdonia e Veriut për marrjen e kryesimit të Organizatës për Siguri dhe Bashkëpunim Evropian (OSBE), janë uruar sot nga kryetari I AAK-së, Ramush Haradinaj.
“Të dyja këto janë role të rëndësishme që do të kërkojnë një lidership dhe përgjegjësi të madhe, dhe ne kemi besim të plotë se Suedia dhe Maqedonia e Veriut janë në lartësinë e detyrës”, ka shkruar Haradinaj, për të vazhduare dhe me një urim tjetër.
“Ne gjithashtu i shprehim urimet tona më të ngrohta Kroacisë për hyrjen e saj në zonën Shengen dhe miratimin e euros si monedhë zyrtare”, deklaroi kreu i AAK-së.
“Ky është një moment historik i rëndësishëm për Kroacinë dhe jemi të sigurt se do të sjellë shumë përfitime për vendin dhe popullin e saj”.
Ai deklaroi se mezi pret të shohë se çfarë do të sjellë e ardhmja për Kroacinë. “Dhe të vazhdojmë të forcojmë marrëdhëniet ndërmjet Kosovës dhe fqinjëve tanë miq.”
Ai ka thënë se shpreson që këto vende do të mbështesin subjektivitetin ndërkombëtar të Kosovës.
“Ne i vlerësojmë marrëdhëniet tona me këto vende dhe presim të vazhdojmë të punojmë së bashku drejt një të ardhmeje më të ndritshme për të gjithë ne.”
