Sociologu Fadil Maloku ka thumbuar kreun e diplomacisë së Kosovës pas deklaratës së ministrit të jashtëm serb për një numër të cnjohjeve. Sipas tij ndërkohë që Serbia dhe kryediplomati i saj (një këlyshëz i Millosheviqit!) Ivica Daçiqi, ka kohë që na ka paralajmëruar për një numër të madh ÇNJOHJESH që i ka në “fiokën” e tij diplomatike, ministrja e jashtme merret me “ngarkesa-shkarkesa” të administratës?! Një punë kjo kot së koti, që se ka asnjë vlerë e asnjë “peshë specifike”, në fahun që je i duke e ushtruar aktualisht.
Maloku në cilësinë e qytetarit të thjeshtë të Republikës parashtroi në vijim disa pyetje për kryediplomaten e Kosovës. “Çfarë është duke ndërmarr Ministria e punëve të jashtme që Ju e drejtoni, në lidhje me “ofensivat” serbe për çnjohje? Serbia, dhe kryediplomacia e saj ka shumë kohë që ka paralajmëruar për reduktimin e njohjeve që(na i sollën aleatët) ishin mbi 106! Ndërkaq, tani ky numër do zbres në 96!?
- Nëse, e keni disponuar si të saktë informacionin për aktet dhe faktet e çnjohjeve (nëntë të gatshme, kurse e dhjeta kutullaç… në tytën e Daçiqit) pse nuk keni ndërmarr asgjë për t’i zmbrapsur, ose të paktën me sjellë ndonjë njohje të re!? Çka bëjnë gjithë ajo eskortë “ekspertësh” që sillen vërdallë me mini çanta “ekspertizash”, rreth Teje!?
- Pse Ju lutem nuk angazhoni ekipe të tëra për ta stopuar këtë “gjenocid” diplomatik të Serbisë!? Ju respektin mund ta fitoni vetëm me angazhime konkrete të diplomatëve të karrierës dhe atyre që e donë Kosovën. E jo duke e “ç’kapur” këtë sferë të ndjeshme për procesin e shtendërtimit, me kapje të reja militante!? E nderuara P.S. Kryediplomate, Ju me indiferencën Tuaj, po e cenoni seriozisht si interesin e shtetndërtimit ashtu edhe atë te kombit”, shkruan Maloku. Ai në vijim citoi deklaratat e presidentit serb Vuçiq, i cili ka theksuar se përkundër që janë të vegjël, sot si qëndrojnë gjërat në botë, 106 vende nuk e njohin Kosovën. Gjithsej 94 e njohin pa mëdyshje, tre vende nuk e njohin atë. “Ne kemi nëntë vende që kanë tërhequr njohjen – Somalia, Burkina Faso, Gaboni, Esëatini, Libia Guinea, Barbuda, Saint Lucia, Maldivet. Dhe ne presim të dhjetin”…!?, përfundon Maloku. /Kosovatimes/
