Një 35-vjeçar ka humbur jetën si pasojë e një aksidenti që ka ndodhur sot në orët e mëngjesit te rreth i Çagllavicës.
Lajmin e ka konfirmuar Flora Ahmeti, zëdhënëse për media në Drejtorinë e Policisë së Kosovës në Prishtinë.
“Rreth orës 04:40 kemi pranuar informatën se në Çagllavicë ka ndodhur një aksident trafiku me pasoja fatale. Në këtë aksident ka qenë i përfshirë një automjet, me targa të huaja. Si pasojë e aksidentit lëndime të rënda trupore ka pësuar një person, i cili nuk ka arritur t’i përballojë plagët dhe i njëjti ka ndërruar jetë. Vdekjen e tij e ka konstatuar ekipi mjekësor në vendngjarje”, ka thënë Ahmeti.
Ajo ka bërë të ditur se trupi i viktimës (mashkull) me inicialet A.A. është dërguar për obduksion në Institutin e Mjekësisë Ligjore, derisa njësitet policore kanë kryer hetimet rreth këtij rasti tragjik.
