Analisti, Albinot Maloku, ka thënë se nuk e çuditë paralajmërimi i Serbisë për angazhimin e tyre për ç’njohjet që mund t’i vijnë Kosovës nga vendet njohëse.
Me anë të një postimi në Facebook, ai ka thënë se lëmshi i ndryshimeve në MPJ ka bërë që të hupë nga agjenda nevoja për politikë të jashtme të dobishme, e cila jo veç që do të duhej t’i ruaj njohjet por edhe t’i shtojë ato.
“Ama, edhe cilat janë ato ndryshime nuk di kush! Lëmsh hesapi. Kryesorja RTSH e ka shpallur grua e suksesshme të ’22ës kryeguximtarën”, ka shkruar Maloku.
Postimi i plotë:
Hiç nuk më çuditë paralajmërimi i Serbisë për angazhimin e tyre për ç’njohjet që mund t’i vinë Republikës së Kosovës nga vendet njohëse. Vitin që lamë nga guximtarët u tha se politika e jashtme e Kosovës “nuk ka qenë asnjëherë më aktive, më e koordinuar e më kuptimplote,” sesa tani! E kjo ka qenë me u çudit, nëse veç ka ngel ndonjë gjë me u çudit më garniturën aktuale drejtuese të vendit. Aktivë, po veç në ç’kuptim?! E koordinuar me kë? E kuptimplote për çka?! Lëmshi nën yryshin e ndryshimeve në MPJ ka bërë që të hupë nga agjenda nevoja për politikë të jashtme të dobishme, e cila jo veç që do të duhej t’i ruaj njohjet por edhe t’i shtojë ato. Ama, edhe cilat janë ato ndryshime nuk di kush! Lëmsh hesapi. Kryesorja RTSH e ka shpallur grua e suksesshme të ’22ës kryeguximtarën. /Kosovatimes/
