I dërguari i posaçëm i Bashkimit Evropian për dialogun ndërmjet Beogradit dhe Prishtinës, Miroslav Lajçak, ka bërë të ditur sot se në një bisedë me zëvendësndihmës sekretarin amerikan të Shtetit, Gabriel Escobar, “ka përshkruar hapat e ardhshëm në dialog”.Në një postim në llogarinë e tij në Twitter, i dërguari i posaçëm i BE-së nuk specifikoi se për çfarë hapash konkret janë përfshirë.
“Kam përshkruar hapat e ardhshëm në dialog me kolegun dhe mikun tim amerikan Gabriel Escobar”. Mezi presim të vazhdojmë bashkëpunimin tonë shumë të ngushtë në vitin 2023”, ka shkruar Lajçak në llogarinë e tij në Twitter.
Lajçak paraprakisht ka diskutuar për të njëjtën temë me Komisionerin Evropian për Zgjerim, Oliver Varhelji.
“Jam i lumtur që u takova sot me komisionerin Olive Varhelji. Ishte e dobishme të diskutohej dialogu në kontekstin më të gjerë rajonal dhe përpjekjet e BE-së për vitin 2023”, shkroi Lajçak në Twitter.
