Kurti: Asociacioni mund të adresohet te plani franko-gjerman, por në frymën e kushtetutës

Kryeministri i Kosovës, Albin Kurti, gjatë vizitës zyrtare në Austri ka thënë se çështja e Asociacionit të Komunave me Shumicë Serbe mund të adresohet në planin franko-gjerman, por në frymën e kushtetutës, ajo s’lejon asociacion njëetnik.Kurti tha se shefi i diplomacisë evropiane, Josep Borrell, po insiston që plani franko-gjerman të quhet propozim i BE-së, i mbështetur nga Gjermania e Franca, dhe sipas tij, tani janë në një moment kur po flasin për marrëveshje të normalizimit të marrëdhënieve.“Më 9 shtator e kemi pranuar këtë propozim dhe besoj se është bazë e mirë ky propozim për të vazhduar tutje”.“Pra, jemi në një moment kur flasim për një marrëveshje për normalizim të plot të marrëdhënieve në mes Kosovës e Serbisë e aty edhe çështja e asociacionit mund të adresohet, megjithatë sipas Kushtetutës së Kosovës, e cila i ka dhënë shumë privilegje pakicës serbe, në frymën e saj nuk lejon asociacion njëetnik”, është shprehur Kurti.Tutje, ai tha se në fjalinë e parë të Planit të Ahistarit thuhet se Kosova duhet të jetë shoqëri multietnike.“Pra, asociacioni njëetnik nuk është në frymën e atij plani ose kushtetutës sonë”, u shpreh Kurti.Kërkuam më shumë ushtarë të KFOR-it shkaku i bazave ushtarake serbe rreth KosovësKryeministri i vendit, Albin Kurti, ka folur për kërkesën e tij që në Kosovë të shtohen trupat e KFOR-it.Ai tha se Kosova ka shprehur interesimin që të ketë prezent më shumë ushtarë të KFOR-it për shkak të 48 bazave ushtarake të Serbisë në kufi me Kosovën.“28 baza janë ushtarake dhe të tjerat quhen civile por sidomos për shkak se prezenca e elementeve ushtarake paramilitare si mercenarët e Wagnerit, ku prezenca e tyre në këto baza është shumë brengosëse dhe sfiduese”, është shprehur Kurti.Tutje, ai tha se për më shumë se dy dekada, në Kosovë janë prezent ushtarët austriakë dhe sipas tij, për krejt këto vjet, Kosova s’ka pasur asnjë incident me ta dhe ka pasur vetëm kujtime të mira.