Klubi i Basketbollit, Trepça ka njoftuar se trajneri Alek Joncevski ka dhënë dorëheqje të parevokueshme.
Sipas njoftimit të klubit mitrovicas, Joncevski dha dorëheqje për shkak se ka vlerësuar se nuk mund të jep më shumë për Trepçën.
“Pas ndeshjes me Sigal Prishtinën, trajneri Alek Joncevski ka dhënë dorëheqje të parevokueshme. Ai ka vlerësuar se nuk mund të jap më shumë për klubin tonë dhe ka vendosur që rrugët tona të ndahen”, thuhet në njoftim.
“Klubi i basketbollit Trepça e falënderon Joncevskin për punën e madhe që ka bërë sa ishte në krye të skuadrës dhe i dëshiron suksese të mëdha në vazhdim të karrierës”.
“Joncevski erdhi për të qëndruar deri në fund të kampionatit, por rezultatet po mungojnë dhe ai e ndjeu obligim moral të jap dorëheqje. Klubi e vlerëson punën që ai ka bërë me skuadrën, nivelin profesional dhe angazhimin maksimal”.
