Sekretari i Përgjithshëm i NATO-s Jens Stoltenberg tha se nuk pret normalizimin e marrëdhënieve mes Rusisë dhe Perëndimit edhe pas përfundimit të luftës në Ukrainë.
– Normalizimi i marrëdhënieve me Rusinë pas përfundimit të konfliktit në Ukrainë është jashtë diskutimit. Nuk do të jetë si më parë. Edhe nëse armët heshtin në Ukrainë, ne nuk duhet të presim që marrëdhëniet tona me Rusinë të normalizohen – tha Stoltenberg për gazetën gjermane Handelsblat, transmeton RIA Novosti.
Stoltenberg vuri në dukje të enjten në një konferencë në Norvegji se pavarësisht se si përfundon konflikti në Ukrainë, duhet thënë se “situata e sigurisë në Evropë ka ndryshuar plotësisht” . Ai akuzoi Moskën se po përpiqet të “kontrollojë vendet fqinje“ dhe siç vlerësoi ai, kjo e vendos Rusinë në një pozicion konflikti të përhershëm me Perëndimin./Kosovatimes/
