Anëtarët e një grupi të ekstremit të djathtë në Francë janë në gjyq për planifikimin e vrasjes së presidentit Emmanuel Macron gjatë një ceremonie përkujtimore të vitit 2018 për të përkujtuar fundin e Luftës së Parë Botërore, si dhe për planifikimin e sulmeve terroriste dhe përkrahjen e përmbysjes me dhunë të qeverisë, raporton Reuters. .
Në mesin e trembëdhjetë anëtarëve të akuzuar të grupit “Les Barjols”, janë njëmbëdhjetë burra dhe dy gra, të moshës nga 26 deri në 66 vjeç.
Duke vepruar në bazë të informacionit të përgjimit, policia arrestoi 62-vjeçarin e atëhershëm dhe tre bashkëpunëtorë në nëntor 2018 dhe gjeti një thikë qeramike 6 inç në makinën e tij pranë vendit ku Macron do të mbante një fjalim. Më pas në shtëpinë e tij u gjetën armë zjarri dhe municione.Disa anëtarë të tjerë të grupit u arrestuan midis 2019 dhe 2020. Gjyqi i tyre, i cili filloi të martën, do të zgjasë deri më 3 shkurt.
Avokatët e të pandehurve, në komentet për mediat franceze, minimizuan seriozitetin e qëllimeve të klientëve të tyre dhe i përshkruan ata si ekstremistë të ngathët pa plane reale për veprim.
Dokumentet e gjykatës nga prokuroria tregojnë se te arestuarit dhe anëtarë të tjerë akuzohen për armëmbajtje pa leje, planifikim të akteve terroriste, planifikim të sulmeve ndaj deputetëve dhe emigrantëve, si dhe komplot për të vrarë Macron.Disa nga të pandehurit u akuzuan gjithashtu për përhapjen e “ideologjisë ultra të djathtë që mbron përmbysjen e qeverisë përmes përdorimit të dhunës dhe armëve”, dhe disa u gjetën se kishin përmbajtje naziste dhe manuale për prodhimin e bombave në kompjuterët e tyre./kosovatimes/
