Kryetari i Aleancës për Ardhmërinë e Kosovës (AAK), Ramush Haradina, ka deklaruar se ambasadori William Walker mbetet Heroi i së vërtetës për krimet serbe në Kosovë.
Aim në një postim nënrrjetin social Facebook, ka shkruar se njeriu i cili me cilësimin e masakrës së Reçakut si krim kundër njerëzimit, zgjoi ndërgjegjen e botës për krimet serbe në Kosovë.
“Sot, kishim nderin ta kemi në vizitë z. William Walker, me të cilin evokuam kujtime nga e kaluara dhe njëkohësisht zhvilluam bisedë miqësore për zhvillimet aktuale në vend.
Fjalët e tij për masakrën e Reçakut u bënë pikë kthese në sensibilizimin e opinionit dhe akterëve kryesorë ndërkombëtarë për nevojën e intervenimit, në mënyrë që të ndalej gjenocidi dhe spastrimi etnik kundër popullsisë civile. Me këtë rast, Ambasadorit Walker i ndava medaljen “ME BESIM NË ZOT, ATDHE E SHTET”, për kontributin e tij në çështjen kombëtare”, shkruan Haradinaj.
Ai edhe njëherë e ka falënderuar Walkerin për gjithçka që ka bërë për Kosovën.
