Ministrisë e Mbrojtjes dhe Forcës së Sigurisë së Kosovës dhe Armend Mehaj, ministër dhe Aleanca Kosovare e Bizneseve Agim Shahini, kryetar, nënshkruan memorandum bashkëpunimi ndërmjet MM/FSK-së dhe AKB-së. Në aktin e nënshkrimit ishte i pranishëm Gjenerali Gëzim Hazrolli si dhe 40 përfaqësues të bizneseve prodhuese dhe shërbyes të Kosovës.
Qëllimi i këtij Memorandumi të Bashkëpunimit në mes të Ministrisë së Mbrojtjes (MM) dhe Aleancës Kosovare të Bizneseve ( AKB), ka për qëllim avancimin dhe thellimin e bashkëpunimit ndërmjet dy institucioneve përkatëse brenda fushëveprimit të tyre kushtetues dhe ligjor, qe promovon mbështetjen e bizneseve dhe prodhimin vendor si dhe mbështetjen e Forcës Sigurisë së Kosovës.
Është bashkëpunimi me bizneset anëtare të AKB, ku bizneset kane shprehur vullnetin dhe gatishmërinë për ofrimin e zbritjeve nga 5%-50% të gjitha produkte dhe artikuj për personalin ushtarak të FSK-së nëpër kompanitë e ndryshme vendore.
Agim Shahini, kryetari i AKB-së, falënderoj ministrin e mbrojtjes Mehaj dhe komandantin e FSK, për bashkëpunimin në mes të dy institucioneve në përgjithësi, dhe për hapat konkret të bashkëpunimit në të ardhmen që sot po nënshkruajmë ketë bashkëpunim.
“Njëherësh ju përgëzoj për punën që po e bëni si Ministri e Mbrojtjes, ndërsa ju si FSK çdo ditë e më shumë po na bëni krenar si Ushtri e Forcës së Sigurisë të Kosovës. Jemi mirënjohës ndaj jush për punën dhe përkushtimin në ruajtjen dhe mbrojtjen e territorit të Republikës së Kosovës dhe jetën e çdo qytetari, andaj si çdoherë e keni mbështetjen dhe përkrahjen tonë”, tha Shahini.
Shahini tha se, një falënderim i veçantë shkon për të gjitha bizneset që sot janë pjesë e këtij memorandum bashkëpunimi, të cilët në momentin e parë që kemi prezantuar këtë projekt e kanë mbështetur dhe kane shprehur vullnetin dhe gatishmërinë për ofrimin e zbritjeve nga ana e tyre në produkte dhe artikuj për personalin ushtarak të FSK-së.
“Në emër të AKB dhe bizneseve, zotohem ta mbështesim FSK-në me ofrimin e zbritjeve në produkte dhe artikuj ushqimorë dhe produktet dhe shërbimet vendore të tjera që ofrojnë bizneset përkatëse për pjesëtarët e FSK-së, të cilët për përfitimin e këtyre zbritjeve duhet ta posedojnë kartelën ushtarake”, tha kreu i AKB-së.
Ai fton të gjitha kompanitë prodhuese dhe shërbyes të Kosovës që të na bashkoheni në këtë iniciativë për të mbështetur Ushtrinë e Republikës së Kosovës në ditë dhe në fazën e dytë.
Armend Mehaj, ministër i mbrojtjes, falënderoi mbështetjen e AKB për këtë iniciativë e cila është ndihmë dhe respekt për FSK, ndërsa për neve është respekt dhe motiv për të punuar edhe më shumë për vendin.
“Praktikat e tilla kanë edhe disa shtete tjera demokratike që praktikojnë t’i mbështesin ushtrinë e vendit të tyre. AK B dhe ju përfaqësues të bizneseve edhe njëherë faleminderit shumë për gatishmërinë dhe vullnetin e juaj”, tha ministri Mehaj.
Gëzim Hazrolli, gjeneral i FSK në emër të shtabit i falënderoi për këtë iniciativë e cila është respekt dhe motiv për Forcën e Sigurisë së Kosovës.
“Këto momente janë emocione, sepse na kujton edhe periudhën e vitit 1998/99 që ishte mobilizim i çdo personi për ushtrinë. Faleminderit dhe me këtë na bëni të jemi edhe më të përgjegjshëm si ushtarë. Faleminderit ministrit për këtë iniciativë dhe juve si AKB për mbështetjen e juaj me këto biznese”, tha gjeneral Hazrolli.
Të dy palët u dakorduan për bashkëpunimin edhe në të ardhmen. /Kosovatimes/
