Fondacioni gjerman Friedrich Ebert (FES) ka njoftuar se të hënën më 30 janar do të publikojë draft-statutin e Unionit të Komunave Serbe, të cilin e kanë riformuluar dhe riemëruar në “Bashkësia e Komunave në Republikën e Kosovës në të cilën Komuniteti serb ne Kosove është shumicë”.
Në ftesën zyrtare për këtë ngjarje thuhet se bëhet fjalë për prezantimin e statutit të “Asociacionit të Komunave në Republikën e Kosovës në të cilin komuniteti serb është shumicë”, i cili sic thuhet është hartuar në partneritet me Institutin Evropian për Paqe.
Takimi është iniciuar nga ambasada amerikane dhe siç bëhet e ditur kanë qenë të ftuara edhe organizata joqeveritare dhe politike serbe dhe shqiptare, disa prej të cilave janë joparlamentare.
“Institucionalisht do të fillojnë bisedimet brenda ambasadës amerikane më 31 janar, ku në bisedime janë ftuar përfaqësues të partive dhe organizatave joqeveritare, të cilat do të jenë plotësisht të mbyllura për publikun. Kjo është një aluzion se Amerika, para zbatimit të marrëveshjes për projektet e afrimit apo rrugën e Kosovës drejt institucioneve ndërkombëtare, do të duhet të vendosë për formimin e ZSO-së”, tha Rada Trajkoviq për Danas.Ajo ka konfirmuar se në këtë takim do të marrë pjesë Nenad Rashiq, Ministër për Komunitete dhe Kthim në Qeverinë e Kosovës, këshilltar i të cilit është.
