Presidentja e Kosovës, Vjosa Osmani, ka dhënë një deklaratë të shkurtër sot, për takimin e organizuar nga ambasadori amerikan, Jeff Hovenier, me zyrtarë institucionesh, liderë partishë dhe të OJQ-ve të ndryshme.
Në këtë takim të ftuar, po diskutohet për Asociacionin e komunave me shumicë serbe.
“Gjithçka që ka të bëjë me Amerikën është e mirë”, ka deklaruar shkurt Osmani, pasi vendosi kurora lulesh tek shtatorja e dëshmorit Zahir Pajaziti, kur i është kërkuar nga gazetarët që të japë një koment në lidhje me këtë takim.
Ambasada e Shteteve të Bashkuara të Amerikës në Kosovë sot i ka thirrur në takim përfaqësues të pozitës, opozitës dhe të shoqërisë civile për të diskutuar në lidhje me Asociacionin e komunave me shumicë serbe.
