Ndryshimi i emrit të një segmenti rrugor “Ibrahim Rugova nga Banka e Shqipërisë deri tek Ura e Lanës në Tiranë me riemërtimin “Dëshmorët e 4 shkurtit”, në nder të 84 viktimave të masakrës është komentuar në mënyra të ndryshme. Reagimi i parë për këtë ndryshim ka ardhur nga Deputetja e PD, Jorida Tabaku e cila ka kritikuar vendimin e kryebashkiakut të Tiranës Erion Velia.
Tabaku shkruan se rruga “Ibrahim Rugova” në aksin Banka e Shqipërisë deri në hyrje të Liqenit Artificial u inaugurua në vitin 2012, por sipas saj “lufta e klasave rikthyer në 2023 e copëtoi këtë rrugë duke sajuar një tjetër gjysma rrugë me emërtim të një date që nuk është se personifikon apo bashkon dhe aq shqiptarët e aq më pak qytetarët e Tiranë”.
Ndërsa analisti nga Kosova Nexhmedin Spahiu e quajti mjaft të çuditshëm faktin se nuk ka pasur asnjë reagim zyrtar nga Kosova, madje edhe nga as vetë LDK.
“është për tu vajtuar fakti që nuk ka reagim zyrtar nga Kosova. Po LDK?!!!”, shkruan Spahiu në një koment të tij.
Në reagimin e saj deputetja Tabaku tha se qe nder dhe privilegj për Tiranën dhe tiransit që një figurë e çmuar dhe me rëndësi për kombin tonë të kishte atë emër në atë vend. Vendimi u mor pas një kërkese që familja e Ibrahim Rugovës na drejtoi ne si bashki dhe Këshilli Bashkiak e nderoi qytetin e Tiranës me një patriot, arkitektin e Kosovës së Lirë.
“Fatkeqësisht, lufta e klasave rikthyer në 2023 e copëtoi këtë rrugë duke sajuar një tjetër gjysma rrugë me emërtim të një date që nuk është se personifikon apo bashkon dhe aq shqiptarët e aq më pak qytetarët e Tiranës. Se si mund të ulësh përbri rrugës Ibrahim Rugova hallin elektoral të Erion Veliaj, që do të prodhojë dëshmorë, vështirë se mund të kuptohet. Lë pastaj të përziesh historinë dhe ta retushosh. Nëse kryebashkiaku Veliaj, që Tiranën e ka shpërfytyruar më shumë se sa kushdo, do të dëshironte realisht të emërtonte një rrugë me dëshmorë: le të vendosë emrat e atyre që u vranë nga komunistët nga 16 tetori 1944 deri në 16 nëntor 1944. Shumica e tyre ishin nacionalistë që u vranë pa gjyq sepse e donin Kosovën. Kjo po do qe realisht një emërtim përfaqësues dhe simbolik me Tiranën që në vend të xhamisë së Sulejman pashës përfundoi me Partizanin e Panjohur. Ky qytet i përket qytetarëve dhe po aq historisë së tyre jo nevojave elektorale të një kryebashkiaku që po ndyen edhe historinë e qytetit!”, shkruan Tabaku.
Ka pasur shumë komente interesante nga reagimi i znj. Tabaku.
Një nga komentuesit i identifikuar si Rexh Alidemaj pyet “ku është LDK, Lumiri, Kujtimi e shumë eksponent të ldk se kur po vjen puna te votat Dr.Rugoven nuk po e hjekin prej gojes tani janë struc si minjtë asnji reagim kta sahan lepirsa a per ju Nexh respekt shum të madh qe po jav qet poshtersit Edi rames dhe Erion velisë prej tyre nuk është prit diqka e mirë se kta janë të bit e komunistave”. /Kosovatimes/
