Tetë kanale televizive turke u bashkuan për të ndihmuar fushatën “Turkey Homes with One Heart” dhe arritën të mbledhin më shumë se 5.4 miliardë dollarë donacione.
Kanalet ATV, FOX, Kanal D, Kanal 7, Show TV, Star TV, TRT 1 dhe TV8 zhvilluan të mërkurën një transmetim të përbashkët live të fushatës së ndihmës të quajtur “Shtëpia Turke me Një Zemër”.
Fushata arriti të gjeneronte më shumë se 5.4 miliardë dollarë (101 miliardë lira turke) deri në orën 19:30.
Presidenti turk Rexhep Tajip Erdogan tha në një bisedë telefonike se çdo qindarkë e mbledhur do të përdoret për mirëqenien e viktimave. Ai shprehu shpresën se fushata do të mbledhë një sasi të paprecedentë donacionesh, duke shtuar se një fushatë e ngjashme do të nisë edhe në Azerbajxhan dhe Qipron Veriore.
Shfaqja e përbashkët mblodhi figura kryesore të kulturës, artit, biznesit dhe sportit për të mbështetur viktimat e tërmetit.
Yjet e njohur televizivë nga këto kanale i bënë thirrje publikut që të dhurojë për Agjencinë Turke të Menaxhimit të Fatkeqësive AFAD dhe Gjysmëhënën e Kuqe Turke./Kosovatimes/
