Kryeministri i Kosovës, Albin Kurti u është përgjigjur pyetjeve të deputetëve gjatë seancës së Kuvendit.
Duke folur për planin franko-gjerman, shefi i qeverisë, tha se aty parashihet njohja de facto. Njohje dejure e Serbisë nuk është në mënyrë eksplicite e shkruar në marrëveshje, por është pjesë e planit që do të arrihet ndërkohë, deklaroi Kurti.
Sipas tij, marrëveshja i vendos Kosovën dhe Serbinë si dy identitete të barabarta. Ndërkohë, ishte opozita ajo që adresoi kritika të ashpra në drejtim të qeverisë Kurti, duke thënë se ka dështuar gjatë këtyre dy viteve të qeverisjes.
