Kyetari i PDK-së, Memli Krasniqi, ka uruar Pavarësinë e Kosovës, teksa ka vizituar familjet e ish-krerëve të UÇK-së, të cilët po mbahen në Hage.
Krasniqi në Facebook ka thënë se ndihet i lumtur dhe krenar që këtë ditë po e nisë me familjet e heronjve të luftës dhe paqes.
Tutje i pari i PDK-së, ka thënë se ndonëse sot ata janë larg nesh, në mendje e zemër i kemi përherë pranë.
“Kontributi i Hashimit, Kadriut, Jakupit dhe Rexhepit nuk u kufizua në një etapë të vetme historike. Misioni i tyre për t’i dalë zot Kosovës ishte dhe mbetet i përhershëm. Ndonëse sot çlirimtarët janë larg familjeve të tyre dhe larg nesh në misionin e tyre për të dëshmuar pastërtinë e luftës së UÇK-së, me mendje dhe me zemër ata i kemi përherë pranë. Jam i lumtur që një pjesë të rrugëtimit tim politik, pata fatin ta zhvilloj përkrah këtyre personaliteteve. Mirënjohje e respekt maksimal për punën e palodhur dhe angazhimin e pandalur të Hashim Thaçit, Kadri Veselit, Jakup Krasniqit, Rexhep Selimit dhe të gjithë luftëtarëve të UÇK-së për Kosovën.”, ka hskruar ai. /Kosovatimes/
