Është mbajtur seanca solemne e Kuvendit të Republikës së Kosovës. Në këtë seancë kanë marrë pjesë mysafir vendor e ndërkombëtar.
Liderët shtetëror të Kosovës, në Kuvend thanë se Republika e Kosovës erdhi nga gjaku i dëshmorëve dhe martirëve, e falë sakrificës së shumë gjeneratave.
Presidentja e Kosovës, Vjosa Osmani, tha se Pavarësia e Kosovës, është arritur falë sakrificës dhe qëndresës së shumë gjeneratave. Ajo ka thënë se Kosova për 15 vite është zhvilluar dhe ka ndërtuar kapacitetet shtetndërtuese. “Në përballje më Serbinë do të jemi një”, tha ajo.
Ndërsa presidenti i Shqipërisë, Bajram Begaj, tha se pavarësia e Kosovës ishte drejtësi shekullore dhe ishte ditë krenarie.Kryetari i Kuvendit të Kosovës, Glauk Konjufca, deklaroi se sot ky moment na bashkon dhe u përulemi dëshmorëve dhe martirëve që janë të pavdekshëm.
Kurse kryeministri i Kosovës, Albin Kurti, theksoi se data 17 shkurt është e përsëritshme. “Republika e Kosovës erdhi nga gjaku i dëshmorëve dhe martirëve”, tha ai.
Kryetari i PDK-së, Memli Krasniqi, në Kuvendin e Kosovës, ka lexuar deklaratën e Pavarësisë të cilën e pati e lexuar ish kryeministri i Kosovës, Hashim Thaçi. Sipas tij historia moderne e Kosovës, nuk mund të jenë pa ata që sot janë në Hagë, e sidomos me Hashim Thaçin.
Kryetari i LDK-së, Lumir Abdigjiku, tha se 17 shkurti është akt i lavdishëm për Kosovën.
