Përfaqësuesi i lartë i Bashkimit Evropian, Josep Borrell, ka takuar sot në Munih kryeministrin e Kosovës Albin Kurti.
Borrelli ka thënë se në takim me Kurtin kanë diskutuar për propozimin e BE-së për normalizim të raporteve me Serbinë, që sipas tij, është kyç për rrugën e Kosovës drejt BE-së, transmeton Zeri.info.
“U takova me Kurtin në #MSC2023 për të diskutuar për nevojën për avancim të propozimit të BE-së për normalizim raportesh me Serbinë, që është kyç për rrugën e Kosovës drejt BE-së. Do të takohemi në Bruksel për takim në nivel të lartë më 27 shkurt”, ka shkruar Borrell në Twitter.
Më herët edhe Qeveria e Kosovës, ka njoftuar për takimin, duke thënë se u diskutua për procesin e dialogut dhe propozimin evropian, të iniciuar nga Franca dhe Gjermania dhe të mbështetur nga Shtetet e Bashkuara të Amerikës dhe Italia. Po ashtu u fol për takimin e radhës në Bruksel të thirrur për 27 shkurt nga Bashkimi Evropian. /Kosovatimes/
Met with @albinkurti at #MSC2023 to discuss the need to advance on EU Proposal on normalisation of relations with Serbia, which is key for Kosovo’s EU path.
We will meet in Brussels for the High Level Dialogue Meeting on 27 February. pic.twitter.com/9uk7PY1mQB
— Josep Borrell Fontelles (@JosepBorrellF) February 18, 2023
