Deri më tani nuk ka filluar asnjë procedurë administrative apo kundërvajtëse ndaj politikanëve që shkelin kushtetutën e vendit, respektivisht simboleve të Kosovës. Ndonëse me aktin më të lartë të vendit dhe ligjeve që derivojnë nga ajo, tregojnë qartë detyrat dhe obligimet lidhur me simbolet e Kosovës, ato në raste të ndryshme keqpërdoren dhe nuk respektohen.
Rasti më i rëndë i fundit ishte një video ku dyshi i qeverisë së Kosovës, dhe njeriu që udhëheq bisedimet me Serbinë, Besnik Bislimi, shihet teksa qëndron pa lëvizur derisa intonohet himni i Kosovës në një ndeshje miqësore mes futbollisteve veteranë të Kosovës dhe atyre të Gjermanisë dhe është pjesë e kalendarit të aktiviteteve të MKRS-së për 15-vjetorin e pavarësisë.
Kjo ka nxitur reagime nga më të ndryshmet.
Subjekti i LVV ka qenë gjithnjë kundër simboleve të vendit, por që asnjëherë nuk ka qenë pjesë e ndonjë nisme për ndryshimin e tyre.
Pas shfaqjes së kësaj video, në të cilën kishte reagim nga segmente politika, analist politik sjelljen e Bislimit e konsiderojnë si një lloj arrogance ndaj simboleve të vendit aq më tepër kur ai kryeson grupin për dialog.
Analist politik e kanë kritikuar në planin moral dhe ligjor për shkeljet e simboleve të Kosovës.
Analisti Halil Matoshi thotë se mos respektimi për rendin simbolik është manifestim injorance e arrogance si dhe mos besnikëri ndaj Atdheut.
“Shteti është Atdheu konkret të cilit shtetasit ndjejnë obligim t’i japin dashuri e qeveritarët e kanë detyrim këtë! Ligji për simbolet shkelët nga 98% e popullsisë, nga padija e thellë”, tha Matoshi.
Ndërkaq analisti Nexhmedin Spahiu thotë se vetëm shkeljet e ligjit nga ana e Presidentit-es janë njëkohësisht shkelje e Kushtetutës.
“Shkelja e ligjit për simbolet nga cili do zyrtar tjetër parasheh dënimin prej 2.000 Eurove. Problemi është që ne nuk kemi prokurorë që zbatojnë ligjin”.
Kurse analisti Blerim Burjani nënvizon se simbolet shtetërore janë obligim kushtetues të respektohen dhe t’iu përkulen.
“Respektimi i simboleve është respektim sublim i popullit dhe i gjeografisë shtetërore të Kosovës, simbolet janë sakrifica, sovraniteti shtetëror dhe krenaria, andaj të gjithë duhet të iu përkulen dhe duhet respektuar për jetë e mote”, tha Burjani.
Në kreun V të këtij ligji që i referohet dispozitave kalimtare parashihet edhe sanksionet kundërvajtëse në rast të mosrespektimit të simboleve. /Kosovatimes/
