Ministri i Mbrojtjes, Armend Mehaj, ka njoftuar se në Komandën e Doktrinës dhe Stërvitjes pranë Qendrës së Stërvitjes Profesionale është realizuar kursi i arteve marciale ushtarake.
Mehaj në një postim në Facebook ka shkruar se është i lumtur që konceptin i tij për futjen e modulit të arteve marciale ushtarake në planprogramin e kurseve standarde institucionale dhe profesionale në FSK, po konkretizohet me kuadrot e para të certifikuara në KDS.
Ai bëri të ditur se kursi ka pjesën teorike dhe praktike ku ushtarakët trajnohen në disiplina si luftimi në tokë, luftimi në këmbë, teknikat e thyerjeve, manipulimet me armë, teknikat e shfrytëzimit të armëve dhe mundësive, qëndrimi themelor dhe këndet e lëvizjes, goditje në pjesën e sipërme të trupit, Brazilian Jiu-Jitsu-s etj. /Kosovatimes/
