Ministria e Punëve të Jashtme pas përplasjes së aksidentit tragjik në Greqi, ka sqaruar se mes viktimave nuk ka shqiptarë.
Përplasja e dy trenave, ‘kokë më kokë’ shkaktoi 38 viktima dhe dhjetëra të plagosur. Kryeministri grek Kyriakos Mitsotakis, shpalli 3 ditë zie kombëtare.
Ndërsa numri i të vdekurve vazhdon të rritet, imazhet e reja që dalin nga Tempe ilustrojnë përmasat e tragjedisë.
Mediat greke bëjnë me dije se po punohet për nxjerrjen e dy vagonëve të parë të trenit, ndërsa ekipet e shpëtimit po nxjerrin trupat nga vendi i ngjarjes.
Pamjet janë tronditëse!
“Ne dërguam 20 vullnetarë të Kryqit të Kuq nga departamentet e Larisës, Katerin dhe Elassona në vendin e ngjarjes. Në tre vagonat e para nuk ishte e mundur të afrohesha shumë, mbërritëm në orën 12:30 të mbrëmjes”, tha një prej perosnave të forcave të shpëtimit.
“Situata ishte tragjike, pasi kishte shumë të vdekur. Ne gjetëm në fusha 4 deri në 5 persona që nuk ishin gjallë dhe në vagona, kryesisht në tre të parët, nuk kishte asnjë të gjallë”, tha ai.
Ai tha se në mesin e të vdekurve ka fëmijë shumë të vegjël, mes tyre edhe studentë.
“80% e personave ishin nën 30 vjeç”, deklaroi ai.
