Azamat Matianov, një gazetar kazak, pretendon se lideri çeçen Ramzan Kadyrovd yshohet se ka probleme të rënda shëndetësore.
Pak ditë më parë u shfaq informacioni se Kadyrov është në gjendje shumë të keqe fizike, me shumë gjasa për shkak të problemeve me veshkat. Këtë informacion e ka përcjellë edhe Matianov.
Sipas disa raporteve, nefrologu i famshëm nga Emiratet e Bashkuara Arabe Yasin Ibrahim El-Shahat tashmë ka mbërritur në Grozny, kryeqyteti i Çeçenisë .
Përfaqësuesi i kabinetit të ministrave të Ichkeria-s në mërgim Ahmed Zakaev pohon se Kadyrov ka qenë i sëmurë për një kohë të gjatë dhe se në ndërkohë është bërë i varur nga disa ilaçe.
Ai thotë se deri para pak kohësh ka qenë shumë aktiv, por se duhet të falënderojë pilulat speciale të energjisë që merr.
Burime të tjera shkruajnë se Kadyrov dyshohet se është helmuar, dhe meqenëse nuk u beson mjekëve në Moskë, vendosi të thërrasë një nefrolog nga Emiratet e Bashkuara Arabe.
Kadyrov mund të ketë humbur fjalimin vjetor të Putinit në Asamblenë Federale më 21 shkurt 2023 për shkak të sëmundjes.
Sipas disa raporteve, në atë kohë ai ishte tashmë në Emiratet e Bashkuara Arabe për trajtim.
