Policia italiane ka arrestuar motrën e bosit të mafias siciliane Matteo Messina Denaro, i cili ishte i arratisur për 30 vjet dhe u arrestua në janar. Sipas Kosovatimes duke iu referuar The Guardian, arrestimi u bë të premten.
Rosalia Messina Denaro mbante fondet e mafies dhe ishte e përfshirë në përcjelljen e udhëzimeve të vëllait të saj tek anëtarët e tjerë të organizatës kriminale, duke e mbajtur atë në kontakt me vartësit kur ai fshihej. Disa nga shënimet u gjetën gjatë kontrollit në shtëpinë e motrës së tij.
Pas arrestimit, 60-vjeçari Matteo Messina Denaro u dërgua në burgun e ruajtur posaçërisht të L “Aquila në Italinë qendrore dhe filloi t’i nënshtrohej kimioterapisë.
Ai ishte dënuar më parë në mungesë me burgim të përjetshëm për vrasjen e magjistratëve antimafia në vitin 1992, Giovanni Falcone dhe Paolo Borsellino.
Përveç kësaj, sipas mediave perëndimore, ai është i përfshirë në rrëmbimin e 12-vjeçarit Giuseppe Di Matteo në 1993 dhe vrasjen e tij në 1996. Djali ishte djali i Santino Di Matteos, një ish-pjesëtar mafioz, i cili vendosi të bashkëpunonte me autoritetet.
Sipas gjyqtarit Alfredo Montalto, lideri i Cosa Nostra-s i besonte plotësisht motrës së tij dhe kontrollonte familjen mafioze nëpërmjet saj.
Sipas La Repubblica, Matteo Messina Denaro ishte lideri i fundit i Cosa Nostra-s i shkallës së parë që ishte ende i lirë./Kosovatimes./
