Një valixhe me mish njeriu është gjetur të premten në aeroportin e Lisbonës, pas së cilës policia ka arrestuar Begole Mendez Fernandez (26) nën dyshimin se ka vrarë të dielën në Amsterdam 21-vjeçarin Alan Lopes. Bëhet fjalë për një holandez i cili u gjet i vdekur në shtëpinë ku jetonte me nënën dhe dy motrat e tij. E përditshmja portugeze Jornal de Noticias raportoi se ai mund të jetë viktimë e kanibalizmit .
– Të hënën pasdite një 25-vjeçar u arrestua në aeroportin e Lisbonës në bashkëpunim me autoritetet portugeze. Ai dyshohet se është i përfshirë në vdekjen e një 21-vjeçari, i cili u gjet në një shtëpi në rrugën Vegastraat në veri të Amsterdamit të dielën e 26 shkurtit në mbrëmje – tha një zëdhënës i policisë holandeze.
Fernandez u ndalua dhe u kontrollua nga policia pasi dyshuan për legjitimitetin e letërnjoftimit italian që u tregoi. Një arsye shtesë për dyshim ishte se ai mbërriti në aeroport me rroba të lyera me gjak dhe “mish të dyshimtë” që më vonë u zbulua se ishte njeri në laborator. Megjithatë, ADN-ja nuk përputhej me atë të Lopes, por bëhet fjalë për një viktimë të panjohur.
Fernandez tani është nën vëzhgimin e policisë në spitalin Santa Maria në kryeqytetin portugez dhe pritet të ekstradohet në Holandë.
