Pamjet e frikshme të “shiut të termiteve” që shkrin mishin dhe gllabërojnë metalin dhe betonin vijnë nga Ukraina. Sipas videove të shumta në Twitter, Rusia vazhdon të përdorë “municionet ndezëse”, të cilat përmbajnë elemente kimike që shkaktojnë ndezjen e tyre sapo prekin ndonjë sipërfaqe. Është përdorur për herë të parë në Luftën e Parë Botërore, në vitin 1916, kur fosfori ishte përmbajtja e tyre kryesore.
“Termiti”, një përzierje e pluhurit metalik dhe oksidit të metalit, përdoret për prodhimin e bombave ndezëse. Ai digjet në temperatura mbi 2400 °C dhe nëse bie në kontakt me mishin e njeriut, mund ta shkrijë atë deri në kockë.Human Rights Watch e përshkroi armën si një nga “më mizoret” në arsenalin e Rusisë, duke thënë se ajo shkakton “vuajtje të menjëhershme dhe të përjetshme njerëzore”.
Më herët gjatë luftës në Ukrainë, u vu në dukje se Rusia po përdorte municione ndezëse dhe thërrmuese kundër forcave ukrainase. Dhe majin e kaluar, gjatë pushtimit të Marijupoljes , u publikua një video që tregon se si fabrika Azovstal granatohej me diçka ndezëse.
Ukrainasit pretendojnë se rreth 1,090 ushtarë të Putinit u vranë dje , 60 më shumë se numri maksimal i mëparshëm, i caktuar më 7 shkurt. Putin humbi gjithashtu tetë tanke, shtatë automjete të blinduara, katër artileri dhe katër sisteme të mbrojtjes ajrore.
Aktualisht, lufta po nxehet në Ukrainën lindore, me shumicën e luftimeve të përqendruara rreth betejës nëntë-mujore të ndezur në Bakhmut. Kievi po e mban fort linjën mbrojtëse sepse kanë frikë se nëse pengohen, do t’u hapin rrugën rusëve në pjesën tjetër të Ukrainës pikërisht atje, shkruan San. Oleksandr Syrsky, komandanti i forcave tokësore të Ukrainës, u zotua të vazhdojë të mbajë linjën mbrojtëse.
– Heronjtë e vërtetë tani janë mbrojtësit që mbajnë mbi supe frontin lindor dhe shkaktojnë humbjet më të mëdha të mundshme, duke mos kursyer as veten e as armikun – deklaroi ai.
Imazhet satelitore të publikuara dje tregojnë Bahmutin e shkatërruar , një qytet ku dikur jetonin 70,000 njerëz. Rrokaqiejt dhe shtëpitë ku dikur jetonin familjet ukrainase tani janë shkatërruar dhe dëmtuar përtej njohjes. Rrugët u shkatërruan, pemët u shkulën, ndërtesat u lanë në flakë dhe jeta e dhjetëra mijëra njerëzve u shkatërrua./Kosovatimes/
