Themeluesi i një grupi pop, kënga e të cilit u bë himn gjatë protestave kundër luftës në Rusi, vdiq në moshën 34-vjeçare të dielën, raporton Newsweek.
Këngëtari Dima Nova, emri i vërtetë i të cilit ishte Dmitry Svirgunov, themeloi grupin popullor Cream Soda, i cili në këngën “Aqua Disco” kritikoi rezidencën e supozuar të presidentit rus Vladimir Putin me vlerë 1.3 miliardë dollarë.
Kënga e përmendur shpesh këndohej në protesta para dhe në ditët e para të pushtimit ushtarak rus të Ukrainës, dhe protestat shpejt u bënë të njohura si “Aqua Disco Party”.
Svirgunov ra përmes akullit ndërsa kalonte lumin Vollga në rajonin e Yaroslavl, shkruan meduza. Në momentin e aksidentit ai ka qenë në shoqërinë e vëllait dhe dy shokëve të tjerë. Krem soda konfirmoi në Instagram të hënën se Svirgunov kishte ndërruar jetë.
