Marrëdhëniet ndërmjet Serbisë dhe Rusisë nuk janë aspak “dashuri e pakushtëzuar”, raporton shërbimi publik zviceran SRF. Siç thonë ata, ka shenja të kthimit të shpinës nga Moska, por kjo nuk do të ndodhë brenda natës.
Beogradi zyrtar u përgjigj se municioni u eksportua në Turqi dhe se Serbia nuk ka të bëjë me rishitjen e mëtejshme përmes Sllovakisë në Ukrainë. E megjithatë çështja hasi në pakënaqësi në Moskë.
Siç thotë Galijash për SRF, marrëdhëniet ndërmjet Serbisë dhe Rusisë janë më pragmatike.
“Ata janë disi të kujdesshëm dhe asnjëherë të hapur”. Nuk është dashuri pa kushte”.
Sipas gazetarit të SRF-së, dashuria serbe për Rusinë është vënë në skenë vitet e fundit si “vëllazëri sllave dhe ortodokse”. Ky imazh u shty nga mediat dhe politikanët në Beograd, së bashku me qëndrimet antiperëndimore.
Sipas Armina Galijash, lufta është kundër interesave të Serbisë. “Së pari sepse gjeopolitikisht po ndryshojnë shumë. Ka ardhur koha për të marrë qëndrime të qarta”.
SRF thekson se është bërë gjithnjë e më e vështirë kalimi nga Lindja në Perëndim, gjë që ishte “një element qendror i politikës së jashtme serbe në vitet e fundit”.
Radio zvicerane vëren “indikacione se Serbia mund të largohet nga Rusia: Presidenti Vuçiç u ankua për ndikimin rus në vend dhe konfirmoi se Serbia është në rrugën e saj drejt BE-së”.
“Për mua është e imagjinueshme që do të ketë një ndarje me Rusinë,” thotë Galiash. “Ka indikacione për këtë.”
Por kjo nuk do të ndodhë brenda natës, shton SRF. Jo vetëm sepse Serbia është e varur nga gazi rus, por edhe sepse Rusia gëzon simpati të madhe në mesin e popullatës serbe. Një rol të madh në këtë ka luajtur edhe Vuçiq.
