Një xhaketë e kuqe, toptha diamanti ne qafore dhe grimi ne sytë konfirmojnë lajmin se Lady Gaga ka marrë rolin e anti-heroinës së DC-së, Harley Quinn. Xhirimet e pjesës së dytë të filmit “Joker” me të madhin Joaquin Phoenix janë duke u zhvilluar dhe pas pjesës së parë jashtëzakonisht të suksesshme të filmit me këtë aktor në rolin e zuzarit, pritshmëritë për pjesën e dytë janë të mëdha.
Stafetën e regjisorit për filmin “Joker: Folie à Deux” e mban sërish Todd Phillips.Ky vazhdim u konceptua si një muzikal, i cili ndau mendimin e fansave të universit DC. Lady Gaga po rikthehet në ekranin e madh pas roleve të saj në filmat “A Star Is Born”, i cili ishte një hit i madh dhe për të cilin fitoi një nominim për Oscar, dhe pas filmit “House of Gucci”, i cili mori vlerësime pak më të dobëta. . Por Gaga ka treguar talent në karrierën e saj të deritanishme të aktrimit dhe ka fituar simpatinë e publikut dhe kritikës.
Deri më tani, rolin e Harley Quinn e ka luajtur aktorja australiane Margot Robbie, e cila, megjithë vlerësimet e këqija të fituara nga filmat, ka marrë vlerësime të shkëlqyera lidhur me interpretimin e personazhit. Gaga na sjell një estetikë pak më ndryshe dhe një pamje të re të personazhit të të dashurës së Xhokerit dhe për ta parë atë me Phoenix duhet të presim deri në tetorin e vitit 2024, kur “Joker: Folie à Deux” të vijë në kinema, transmeton Gloria
