Nadine, e cila jeton në Australi, humbi pak më shumë se 100 kg në një vit e gjysmë falë operacionit të lukthit.
Ajo është një nënë që së fundmi ka marrë punën e stjuardesës që donte prej shumë vitesh, por tha se shëndeti i saj ka qenë gjithmonë një pengesë e madhe. Nadine ka fituar mijëra fansa në rrjetet sociale duke ndarë rrugëtimin e saj dhe duke u kujtuar ndjekësve të saj se gjithçka është e mundur.
28-vjeçarja tha se pjesa më e vështirë e rrugëtimit të saj ishte të mësonte të shijonte ushqimin në mënyrë të moderuar pa u ndjerë fajtore pas vitesh të tepruar dhe të ngrënit të çrregullt. Nadine u bë virale në TikTok pasi tregoi humbjen e saj dramatike në peshë kur mori punën e saj të re si stjuardesë.
Edhe pse kompania e saj ajrore nuk ka asnjë rregull kur bëhet fjalë për peshën e personelit, ajo kërkon që çdo stjuardesë të ketë shëndet dhetrup “të shkëlqyer”, si dhe aftësinë për të notuar 50 metra e veshur plotësisht pa ndihmë.
“E bukur para dhe pas.” Përpjekje e mahnitshme!” u përgjigj një grua.
“Nuk besoj se ky është i njëjti person”, shtoi shikuesi i tronditur.
Para operacionit, mami luftoi me një çrregullim të të ngrënit, por po mëson të mbajë një marrëdhënie të shëndetshme dhe të ekuilibruar me ushqimin. “Mendoj se është diçka për të cilën do të duhet të punoj për pjesën tjetër të jetës sime, por jam mirë me të”, tha Nadine në një postim në faqen e saj të njohur në Instagram.
“Sa herë që shijoja ushqimin tim të preferuar, gjithmonë kishte një ndjenjë negativiteti apo dështimi”, tha ajo në një postim tjetër.
“Më në fund jam në gjendje të shijoj ëmbëlsirat e mia të preferuara në moderim dhe kjo ka qenë një nga gjërat më të mira që kam mësuar në udhëtimin tim.”
