Ligjvënësit e ekstremit të djathtë të Austrisë u larguan nga një seancë e dhomës së ulët të parlamentit të enjten gjatë një fjalimi virtual të presidentit ukrainas Volodymyr Zelensky, duke thënë se ishte një “shkelje” e statusit të neutralitetit të Austrisë.
Anëtarët e Partisë së Lirisë së Austrisë (FPO) u larguan nga vendet e tyre kur Zelenski filloi nje fjalim permes nje video, duke lënë kartolina të vogla në tavolinat e tyre me logon e partisë dhe mesazhin “dhoma për paqe”, raporton ORF.
Në një video-mesazh në llogarinë e saj në Twitter të enjten, partia tha: “Po për neutralitetin, jo për luftënxitës”. FPO paralajmëroi disa ditë më parë se do të organizonte një formë proteste kundër fjalimit virtual të presidentit ukrainas në parlamentin austriak.
“Është e trishtueshme që FPO është e vetmja parti në parlament që e merr seriozisht neutralitetin tonë të përjetshëm, duke mbrojtur kështu paqen”, tha kreu i FPO-së Herbert Kickl në një deklaratë të martën. Ai fajësoi gjithashtu qeverinë austriake dhe partitë e tjera opozitare për shfaqjen e “mbështetjes së njëanshme për partinë e luftës”.
