Gjatë gjykimit të ish-krerëve të UÇK-së, prokuroria përmendi edhe komunikatën 59, të cilën ish-presidenti Hashim Thaçi kishte refuzuar ta nënshkruante, madje ishte shprehur se ajo komunikatë nuk ishte e UÇK-së.
Po ashtu u përmend fakti se Jakup Krasniqi dhe Rexhep Selimi kishin “demantuar” deklaratat e Thaçit.
E në lidhje me këtë situatë ka reaguar familja e Gani Gecit, përkatësisht Fadil Geci, i cili ka thënë se Krasniqi e Selimi kanë treguar të vërtetën.
Geci tregon me detaje se çfarë qëllimi kishte kjo komunikatë.
“EDHE NË HAGË REXHEP SELIMI E JAKUP KRASNIQI E PASKAN THËN TË VERTEËTEN PËR KOMUNIKATËN NR. 59
Historia do të tregoj se ata që shkruan Komunikatën nr.59 ishin vet tradhtarët, ishin pasardhësit e Leninit, Stalinit, Dushan Mugoshës e Milladin Popoviqit ishin pasardhësit e Titës, Enver Hoxhës, Fadil Hoxhës dhe Ali Shukrisë që njëjtë në vitin 1944-1945 e quajtën tradhtar Miftar dhe Halil Bajraktarin, ata i vrau Rusia dhe Serbia.
Ndërsa njëjtë si në vitin 1945 edhe në vitin 1998 Hashim Thaçi dhe kompania shkruajnë Komunikatën nr.59 kundër vëllaut tonë, Gani Gecit. Komunikatën nr.59 e shkrujtën për të na vrarë e për të na sharë vëllaun tonë dhe familjen tonë.
Unë Fadil Geci, në emër të familjes sime kam shkuar në shtëpinë e Hashim Thaçit dhe e kam takuar babain e Hashim Thaçit dhe vëllaun e madh Gani Thaçin, i kam kërkuar sqarime për Komunikatën nr.59, i kam thënë: Haxhi, djalin e ki drejtor të drejtorisë politike, po mundoheni me ba njëjtë si Fadil Hoxha e Ali Shukria në vitin 1945, jam ardh në shtëpinë tënde lajmëroje djalin tënd se për Komunikatën nr.59 herët a vonë do mbash përgjegjësi.
Dije ata që e kanë shkruar Komunikatën nr.59 një ditë do të dalin para drejtësisë.
E konfirmoj se edhe mua Prokuroria Speciale më ka pyetur rreth historisë së Komunikatës nr.59 dhe familjes sime si dhe historisë tradhtare të Hashim Thaçit”, shkroi ai në Facebook. /Kosovatimes/
