Ish-presidenti amerikan Bill Clinton ka thënë se i vjen keq për rolin e tij në bindjen e Ukrainës që të heqë dorë nga armët e saj bërthamore në vitin 1994.
Në një intervistë me radiostacionin publik irlandez RTE, ai deklaroi se Rusia nuk do të kishte pushtuar Ukrainën nëse Kievi do të kishte ende armët e saj bërthamore.
“Ndjej një rrezik personal sepse i detyrova ata të heqin dorë nga armët e tyre bërthamore. Dhe asnjëri prej tyre nuk beson se Rusia do ta kishte bërë këtë nëse Ukraina do t’i kishte ende ato armë,” tha ai në një intervistë.
Në vitin 1994, Clinton nënshkroi një marrëveshje me presidentët e atëhershëm të Rusisë dhe Ukrainës për të eliminuar arsenalin e armëve bërthamore strategjike që mbetën në tokën ukrainase pas rënies së BRSS.
