Ministri i Mbrojtjes Millosh Vuçeviq ekskluzivisht për Sputnik iu përgjigj të ashtuquajturave gjetje të agjencisë britanike Reuters, e cila publikoi informacione të supozuara nga një dokument sekret i Pentagonit se Serbia është zotuar të dërgojë armë në Ukrainë ose tashmë e ka bërë këtë.
-Për të njëqindtën herë është publikuar gënjeshtra se Serbia po i shet armë Ukrainës. Synimi i dikujt është padyshim që të destabilizojë vendin tonë dhe ta tërheqë atë në një konflikt në të cilin ne nuk do të marrim pjesë. Ne i kemi mohuar ato gënjeshtra më shumë se dhjetë herë dhe ja ku jemi, do ta bëjmë përsëri. Serbia nuk ka, as nuk do t’i shesë armë palës ukrainase apo ruse, as vendeve që e rrethojnë atë konflikt. Dikush padyshim ka qëllim që ta tërheq Serbinë në atë konflikt, por ne vazhdimisht i përmbahemi politikës sonë të vendosur, tha Vuçeviç.
Ministri tha gjithashtu për Sputnik se vendi ynë, natyrisht, u shet armë palëve të treta, të cilat janë larg konfliktit dhe nuk kanë asnjë lidhje me të:
“Gjithmonë ekziston mundësia që në njëfarë mënyre të gjendet ndonjë armë në mënyrë magjike në territorin e konfliktit, por kjo nuk ka të bëjë absolutisht me Serbinë. Kjo është një pyetje për ato vende që nuk respektojnë normat ndërkombëtare, klauzolat kontraktuale dhe praktikat e biznesit. E përsëris, Serbia nuk ka dërguar armë në Ukrainë dhe gjithçka që është publikuar për këtë temë është spekulim i pavërtetë- tha Vuçeviq për Sputnik.
