Kryetari Lidhjes Demokratike të Kosovës, Lumir Abdixhiku, ka pritur në takim, kryeministrin në detyrë të Malit të Zi, Dritan Abazović.
Kryetari Abdixhiku e njoftoi kryeministrin Abazović për qëndrimet e LDK-së lidhur me situatën aktuale politike në vend, në veçanti për interesin e dy shteteve për integrim euroatlantik, raportet tona të ndërsjella dhe pikëpamjet tona për bashkëpunimin rajonal.
Kryetari Abdixhiku dhe kryeministri Abazović u dakorduan që bashkëpunimi dhe marrëdhëniet e mira rajonale janë parakusht në ecjen përpara në kontekstin e integrimeve evropiane. /Kosovatimes/
