Agjencia e Statistikave të Kosovës ka publikuar raportin e rregullt mbi lindjet, vdekjet, kurorëzimet e shkurorëzimet për muajin shkurt të këtij viti.
Sipas ASK-së, gjatë kësaj periudhe janë regjistruar 1804 lindje në Kosovë dhe jashtë saj, prej tyre meshkuj 947 dhe femra 857.
Në krahasim me muajin janar 2023, ka një rënie të numrit të lindjeve për -15 për qind.
“Sa u përket vdekjeve në Kosovë dhe jashtë Kosovës, janë regjistruar 877 raste të vdekjeve, prej tyre meshkuj 479 dhe femra 398 raste. Krahasuar me muajin janar 2023 kemi rënie të numrit të personave të vdekur për -9%”, thuhet në raport.
Në anën tjetër, në këtë periudhë kohore 1317 çifte kanë kurorëzuar dashurinë e tyre e që në krahasim me muajin janar numri i çifteve të kurorëzuara ka rënë për -34 për qind.
“Ndërsa sa u përket shkurorëzimeve të ndodhura në Kosovë për muajin shkurt janë 122 raste, krahasuar me muajin janar kemi rënie të numrit të çifteve të shkurorëzuarve për -22%”, thuhet ndër të tjera në raport.
Raportin e plotë mund ta lexoni KËTU /Kosovatimes/
