Kryetari i Kuvendit të Kosovës, Glauk Konjufca, ka ftuar qytetarët që të dalin të votojnë në komunat e veriut të vendit.
Konjufca, përmes një postimi në Facebook, tha se zgjedhjet janë mjeti më demokratik dhe mundësia më mirë për qytetarët që përmes votës së lirë të zgjedhin përfaqësuesit e tyre dhe të bëjnë ndryshimet e dëshiruara.
Ai tha se vota e qytetarëve ka ndikim të madh në vendimmarrje lokale.
“Prandaj i ftoj qytetarët me të drejtë vote të këtyre komunave që të marrin pjesë sa më masivisht në zgjedhjet e sotme lokale. Mos e humbni rastin. Vota juaj do të ketë ndikim të madh në vendimmarrjen lokale, në ndryshimet e përgjithshme pozitive dhe në jetën e mirëqenien tuaj”, shtoi ai. /Kosovatimes/
