Sa më shumë që Serbia po i shmanget harmonizimit të politikës së saj te jashtme me atë të BE, Kosova do të shënojë progres në integrimet evroatlantike. Kjo u pa gjate ditës së djeshme ku shumica e vendeve anëtare i thane po anëtarsimit të Kosovës në KE. Dy veprimet e saj të fundit te Serbisë mund të kenë ndikuar në këtë.
Kryetari i Komisionit Parlamentar për Punë të Jashtme, Borko Stefanoviq, tha se refuzimi i SNS dhe SPS për të mbështetur rezolutën që kërkon harmonizimin e politikës së jashtme me politikën e Bashkimit Evropian dhe vendosjen e sanksioneve të paktën të pjesshme kundër Rusisë tregon se këto dy parti janë kundër anëtarësimit të Serbisë në BE.
Stefanoviq tha për FoNetU se refuzimi i SNS dhe SPS për të mbështetur atë rezolutë tregoi gjithashtu se ata janë për izolimin e Serbisë, përkeqësimin e mëtejshëm, varfërinë dhe korrupsionin, të gjitha për të mbetur në pushtet dhe për të ekzistuar si subjekt politik.
“Sot pamë një koalicion të ri, të madh, të gjerë të partive të ekstremit të djathtë, SNS dhe SPS, sepse ato janë në pozicione krejtësisht identike të izolimit dhe përkeqësimit të Serbisë dhe kundër integrimit evropian të Serbisë”, tha Stefanoviq.
Ai theksoi se ndryshimi i vetëm mes tyre është se Dveri, Zavetnici, POKS dhe DSS e Re thonë hapur se janë kundër BE-së, ndërsa SNS dhe SPS nuk kanë guxim ta thonë hapur, por bëjnë gjithçka që të mos jenë kurrë anëtare e BE-së, e cila u pa sot.
Serbia po ashtu nuk u pajtua me vendimin e Bashkimit Evropian (BE) për zgjatjen e sanksioneve ndaj Iranit për shkak të përkeqësimit të situatës së të drejtave të njeriut në atë vend.
Bëhet fjalë për masa kufizuese të drejtuara ndaj personave dhe subjekteve të caktuara për shkak të situatës në Iran, të cilat datojnë që nga viti 2011 dhe të cilat BE-ja i zgjeron çdo vit, transmeton Radio Evropa e Lirë.
Vendimi i ri i referohet zgjatjes së sanksioneve ekzistuese edhe për 12 muaj shtesë, pra deri në prill 2024.
Në një deklaratë të lëshuar nga përfaqësuesi i lartë i BE-së për politikë të jashtme dhe siguri, Josep Borel, thuhet se vendet kandidate Maqedonia e Veriut, Mali i Zi, Shqipëria, Ukraina, Moldavia dhe Bosnja e Hercegovina janë duke u harmonizuar me këtë vendim.
Me vendimin për zgjatjen e sanksioneve ranë dakord edhe anëtarët e Zonës Ekonomike Evropiane, Lihtenshtajni dhe Norvegjia.
Këto vende do të sigurojnë që politikat e tyre kombëtare të jenë në përputhje me këtë vendim të Këshillit. Bashkimi Evropian e merr parasysh këtë angazhim dhe e mirëpret atë, sipas një deklarate nga Borelj.
Edhe më parë, Serbia nuk ishte dakord me vendimet e Brukselit për masat kufizuese ndaj Iranit.
