Rruga “Jim Xhema” e njohur si Rruga A, që lidhë Lagjen e Kalabrisë me atë Prishtina e Re, ka nis nga sot të punohet e ndërtohet. Në përurimin e fillimit të punimeve ka marrë pjesë edhe kryetari Përparim Rama, i cili këtë projekt e konsideron madhor për kryeqytetin, i cili prit të lehtosj qarkullimin në kryeqytet.
“Kemi filluar punimet në një ditë të bukur, është projekt madhor dhe me rendësi të madhe. Kemi filluar me 1.5 kilometrat e parë dhe dinamika do të jetë e shtuar. Do të punohet në të dy anët, si nga ana e Kalabrisë dhe Prishtinës së Re. Kjo është faza e parë dhe trajton edhe çështjen e kanalizimit. Rruga e re po krijohet dhe është me standarde të reja. Prishtina veç se po frymon me lehtë dhe rrugët po i krijojmë”, deklaroi Rama.
Faza e parë përfshinë një kosto prej 8.4 milionë euro, e më pas, sipas Ramës, do të vazhdohet edhe në fazat tjera. “Kjo fazë do të merr kohë 240 ditë punë”, tha Rama.
Ndërkaq në një postim në facebook, kryetari i Prishtinës, tha se ky projekt madhor infrastrukturor për kryeqytetin, i jep fund kundërmimeve nga kanalizimi i hapur dhe rrezikshmërisë për fëmijët.
“Punimet po i nisim…duke sjellë një standard të ri në infrastrukturën e qytetit, me korsi të veçantë për autobusë, shtigje për biçikleta, qasje në rrugët anësore dhe ndërlidhje me Rrugën B. Falënderojmë Ministria e Mjedisit, Planifikimit Hapësinor dhe Infrastrukturës për bashkëpunimin dhe komunikimin e hapur, dhe falënderojmë qytetarët për durimin. Prishtina po frymon më lehtë e më mirë”, ka shkruar ai. /Kosovatimes/
