Një hajn kishte tentuar të kryej vjedh në një vend punishte në Kamenicë, por ishte vërejtur nga një punëtor i kësaj kompani, e derisa ai kishte tentuar ta identifikojë, hajni kishte qëlluar me armë duke e plagosur punëtorin, i cili është jashtë rrezikut për jetë.
“Një qytetar në Kamenicë ka raportuar se ka vërejtur një të dyshuar deri me tani të pa njohur duke tentuar që të kryej vjedhje në një vend punishte ku viktima ishte duke punuar. Sapo viktima e ka pyetur se kush jeni ju, i dyshuari ka shtënë me armë zjarri në drejtim të viktimës me ç’rast e ka plagosur. I dyshuari ka ikur nga vendi i ngjarjes ndërsa viktima është duke u trajtuar në spitalin rajonal të Gjilanit dhe gjendja e tij është stabile”, njofton Policia e Kosovës në raportin 24 orësh.
Njësitë relevante policore, sipas njoftimit, kanë dalë në vendin e ngjarjes, ku kanë gjetur dhe sekuestruar për procedura të mëtutjeshme hetimore një gëzhojë. “Në lidhje me rastin është konsultuar prokurori i shtetit, rasti në procedurë hetimore”, njofton Policia e Kosovës.
