Tenori i njohur i Kosovës Ram Lahaj ka postuar në kanalin youtube pjesë nga interpretimi i tij nga koncerti në Stamboll i cili u mirëprit mjaft shumë. Por ky postim po shfaqet tre muaj pas mbajtjes se këtij koncerti nga i cili është ndarë mjaft i emocionuar Lahaj, raporton Kosovatimes.
Ky koncert është organizuar me pjesëmarrjen e tre tenorëve Marcelo Alvarez – Murat Karahan – Rame Lahaj me dirigjentin Heiko Mathias Forster dhe Orkestrën e Filarmonisë së njohur Limak. Lahaj në këtë koncert interpretoi këngën “Bishtalecat Pale Pale”. Interpretimi i kësaj kënge u përcolle me duartrokitje nga pjesëmarrësit e koncertit të cilët kishin mbushur sallën.
Ndryshe tenori operistik Lahaj nder rolet e tij me te spikatura janë Alfredo (La Traviata), Duca di Mantova (Rigoletto) dhe Rodolfo (La Bohème). Ai ka pushtuar shume teatro më të mirënjohur të botës, si Opera House Covent Garden, Paris National Opera, Moscow Bolshoi Theater, Gran Teatre del Liceu, Arena di Verona, Opera Australia Sydney, Los Angeles Opera, Teatro Real-Madrid, Deutsche Oper Berlin, StaatsoperBerlin, Haus Für Mozart-Salzburg, Semperoper Dresden, Royal Albert Hall, Opera Tel Aviv, Teatro Massimo di Palermo dhe shumë të tjerë.Ai ka ndare skenën me legjenda të operës si Placido Domingo, i cili më vonë e nderoi atë me çmimin e Konkursit Botëror të Operës “Operalia”./Kosovatimes/
