Kryeministri i Kosovës, Albin Kurti, tha se e është koha që Bashkimi Evropian ta ndryshojë qasjen ndaj Ballkanit Perëndimor.
Në konferencën ”Balkan Dialogues Initiative”, kreu i qeverisë kosovare u shpreh se në dialogun me Serbinë, Kosova është konstruktive, por edhe kreative.
Duke folur për Asociacionin, përkatësisht të drejtat e pakicave, ai tha se Kushtetuta e Kosovës, ua garanton ato.
Kurti tha se Kosova dëshiron të ketë përshpejtim të procesit të dialogut dhe zbatim të marrëveshjeve të arritura.
“Ne po investojmë në përpjekjet për të fituar besim në mes të partnerëve’, tha ai.
Megjithatë, kryeministri deklaroi se ka ardhur koha për Bashkimin Evropian, që ta ndryshojë qasjen ndaj rajonit.
“Fondet e BE-së duhet të ndërlidhen me vlerat evropiane”, tha Kurti.
Sipas tij, të gjitha vendet kanë të drejtën për të ndjekur rrugën evropiane.
“E gjitha puna e bërë nga Prishtina dhe Beogradi duhet të përmendet, e të gjitha janë përbërës kryesor për të arritur stabilitet”, ka theksuar Kurti.
Ai rikujtoi se kur bëhet fjalë për bashkëpunim rajonal, Kosova ka ratifikuar tri marrëveshjet nga procesi i Berlinit.
“Sa i përket dialogut me Serbinë, ne jemi konstruktiv dhe kreativ në këtë proces. Ne besojmë se marrëveshja bazë e arritur është një hap i rëndësishëm”.
Në fjalën e tij, Kurti ka përmendur takimin e 2 majit, derisa ka thënë se me urgjencë e kanë trajtuar çështjen e të pagjeturve e për të cilën ka thënë se janë dakorduar me Serbinë. /Kosovatimes/
